Referendum për shfuqizim të ligjit 21/2024
Po mbledhim 50.000 firma që qytetarët të vendosin me referendum për të ardhmen e zonave të mbrojtura.
Objektivi kushtetues
50 mijë firma!
Çdo firmë na afron me kërkesën për referendum kombëtar.
Ku jemi ne
Turnet e ardhshme të nënshkrimit
Nuk gjetëm një turn në këtë zonë. Provo një qytet tjetër ose na ndihmo të hapim një pikë.
Nuk jemi afër teje?
Plotëso fletën vetë dhe dërgoje te ne.
Hapat e procesit
Nga firma te vota:rruga e referendumit
Shtatë fazat që e çojnë nismën qytetare nga krijimi i grupit nismëtar deri te vendimi me votë.
- 1Grupi nismëtarTë paktën 12 zgjedhës të regjistruarPërfunduar
- 2Depozitimi në KQZKërkesa u depozitua dhe u konfirmuaPërfunduar
- 350.000+ firmaMbledhja e firmave në fletët-tip zyrtareNë vazhdim
- 4Verifikimi nga KQZKontrolli i nënshkrimeve dhe dokumenteve
- 5Gjykata KushtetueseKontrolli i objektit të referendumit
- 6Dekreti i PresidentitCaktimi i datës
- 7Votimi dhe rezultatiVendimi i qytetarëve
Reagimi qytetar
Natyra nuk shitet.Mbrohet. Trashëgohet.
Flamingoja u bë simbol i një reagimi qytetar për natyrën, transparencën dhe të drejtën për të vendosur mbi pasuritë publike.
.JPG)
Zonat e mbrojtura shqiptare · Fotografi nga Wikimedia Commons dhe arkivi i nismës.
Pyetje të shpeshta
Përgjigje të shkurtrapërpara se të firmosni
Përgjigje për procedurën institucionale dhe çfarë ndodh pasi mblidhen firmat.
A do të thotë depozitimi se referendumi është miratuar?
Jo. Depozitimi nis procedurën administrative, por nuk garanton zhvillimin e referendumit. Procesi vijon me verifikimet dhe fazat kushtetuese të parashikuara nga ligji.
A mjaftojnë 50.000 firma që referendumi të zhvillohet?
Jo. Firmat duhet të verifikohen si të vlefshme. Vetëm pas këtij kontrolli nisma kalon në fazat kushtetuese dhe institucionale.
A mund ta bllokojë Kuvendi referendumin?
Nëse plotësohen kushtet kushtetuese dhe procedurale, Kuvendi nuk mund ta kthejë mbrapsht referendumin me një vendim thjesht politik.
Çfarë roli ka Presidenti?
Presidenti nuk vendos nëse referendumi duhet të zhvillohet. Pasi plotësohen procedurat kushtetuese, ai cakton datën e zhvillimit të tij.
Çfarë kontrollon Gjykata Kushtetuese?
Gjykata shqyrton kushtetutshmërinë e objektit të referendumit. Ajo nuk vlerëson oportunitetin ose anën politike të nismës.
Sa kohë mund të zgjasë procesi pas dorëzimit?
Verifikimi i firmave, kontrolli kushtetues dhe caktimi i datës mund të zgjasin së bashku disa muaj.
Pse synohen më shumë se 50.000 firma?
Pragu kërkon 50.000 firma të vlefshme. Mbledhja e një numri më të lartë krijon rezervë për firmat që mund të mos kalojnë verifikimin administrativ.
Kush i administron dhe verifikon firmat?
Fletët administrohen nga grupi nismëtar dhe mbledhësit e autorizuar. Pas dorëzimit, KQZ-ja kryen procedurën institucionale të verifikimit.
A mund të firmosin shtetasit shqiptarë që jetojnë jashtë vendit?
Po, nëse janë shtetas shqiptarë me të drejtë vote dhe ndjekin procedurën e lejuar për nënshkrimin personal.
A kërkohet mbështetja e një partie politike?
Jo. Nisma është qytetare dhe zhvillimi i procedurës nuk kushtëzohet nga mbështetja e një partie politike.
A do të thotë firma se kam votuar për shfuqizimin?
Jo. Firma mbështet kërkesën që çështja t’u shtrohet qytetarëve në referendum. Vendimi përfundimtar merret vetëm gjatë votimit.
A mund të firmos në emër të një familjari?
Jo. Secili qytetar duhet të paraqitet dhe të firmosë personalisht. Firma nuk mund të delegohet, edhe kur personi tjetër ka dhënë pëlqimin.
A bëhen publike të dhënat e firmëtarëve?
Jo. Të dhënat identifikuese përdoren për verifikimin e vlefshmërisë së firmës dhe nuk publikohen si listë mbështetësish.
Si mund të ndihmoj përveç firmosjes?
Mund të bëheni vullnetar, të ndihmoni me informimin në qytetin tuaj ose ta ndani nismën me persona që kanë të drejtë vote.